انا
شماعة الكل بيعلق عليها مبرراته
الكل يداره وراه يعمل العملة ..يكدب..يخون..وبطلع انا السبب فيها
الناس بتتهمنى عشان بس تقنع نفسها انها ضحية
انا الى من غيرى الدنيا تصبح غابة والانسان فيها مجرد حيوان بدون مشاعر تسيره غرائزه
انا الى من غيرى ما يبقى فى سلام
مايبقى فى رحمة
انا الى من غيرى الكل يدخل النار
انا الى من غيرى الاخ يقتل اخوه
انا الى من غيرى مايبقى فى احساس
انا الى بيدارا وراه كل انسان وانسانة خاين وخاينة ..كداب وكدابة
انا الى من غيرى ما يبقى فى وطن
انا المظلوم بين كل العاشقين
انا المظلوم وانت الظالم يا ابن حوا وادم
انا الحب
هاى ياجماعة كلامى عامى عارفة بس اكيد عندى حق لاننا فى كل غلطة بنرتكبها بنعلق اسبابنا على الحب
فى كل تجربة فاشلة بنقول الحب وحش مالوش امان
مع ان من غيره ما يبقى فى كون ولا انسان ولا حيوان لاننا هنخلص على بعض
حب الله ...حب الوطن..حب الاهل..حب الاصحاب..حب الحبايب
كلهم مظلومين معانا لان الانسان هو الى وحش ووحش جدا كمان
دى حتى الدنيا ظلمنها معانا
اسأل نفسك الدنيا كانت عاملة ازاى قبل ما انت تيجى ...زمان كانت بسيطة والانسان هو الى عمل فيها كل حاجة..حتى الكره هو الى عمله مش هى..كل شاب الايام دى تسأله مالك يقولك الدنيا
الدنيا
يا ظالم انت الى بتضحك وتكشر انت الى بتخون وتخلص انت الكاذب والصادق انت
انت
مش الدنيا
عرفتوا مين الظالم ومين المظلوم
كفاية ظلم بقة
الخميس يوليو 30, 2009 9:58 pm
